ههههههههههههههه....
مكنتش متخيلة ان ربنا هيفرجها كده ويفرح قلبي كده
انتو عارفين ان في خلال الشهر ده خطوبة اتنين من اعز اصحابي....لالالالا هما مش من اعز اصحابي....هما اجمل هديتين ربنا رزقني بيهم في الدنيا......انا بجد لاول مرة الاقي نفسي عاجزة عن التعبير عن اللي جوايا وكنت متخيلة اني اول ما هاجي اكتب في البلوج ايدي هتكتب لوحدها بس لاقتني بجد مش عارفة اقول اي حاجة من كتر الفرحة اللي جوايا لان الاتنين دول مش اتنين عاديين وهما:
الاولي "حبي":
اتعلمت منها حاجات كتير اوي...اتعلمت منها فن الحياة وازاي اني اقوم من اي اذمة اقوي من الاول
لما عرفتها عنيا اتفحت علي حاجات كتير مكنتش اعرفها وبدات احس ان الدنيا بقي ليها طعم ومعني
انا كده برده مش عارفة اوفيها حقها بالكلام
وبجد باقولها الف الف الف مليون مبروك ونفسي اعيش عشان اشوف الابتسامة ماتفارقش وشك الجميل ده وربنا يقدرني واقدر اقف جنبك زي ما انتي طول عمرك بتقفي جنبي..........بارك الله لكما وبارك عليكما وجمع بينكما في خير
لولولولولولولولوي..........
الثانية"سحر":
دي بقي صديقة العمر اعرفها من المدرسة الابتدائي ....
احلي حاجة فيها انها طول عمرها بتضحك وبتهزر ومابتشلش هم حاجة وبتعرف تحتويني كويس اوي.....
ومافارقناش بعض الا عند الثانوية العامة .....
علي فكرة بقي البنت دي كانت بتقولي انا مش هتخطب الا لما تتخطبي يا ريهام وبعدين باعتني ينفع كده يعني؟؟
ههههههههههههههههههه اول ما جه النصيب باعتني ......
عشت اجمل ايام حياتي معاها وكتير ضحكنا وهزرنا ورخمنا علي المدرسين سوا.....
وكنا بناكل في الحصة من وراهم سوا ...... اوعوا حد يعمل زينا احنا كنا عالم طفسة
وكنا بنضحك ونهزر من تحت لتحت في الفصل برده سوا
يااااااااااااااه كانت ايام جميلة اوي يا سحورة
عمرها ما شالت من حد....ولما تزعل من حد بيبقي كبيرها ساعة او اتنين وبتصفي لان قلبها زي اللبن الحليب
تخيلوا انها اجلت ميعاد فرحها عشان امتحاناتي!!!!!!!!!!!!!!!!!!!!!!!!
عشان نبقي مع بعض اليوم ده....لان كتير كنا بنحلم باليوم ده واننا نبقي مع بعض فيه سوا برغم ان سكة التعليم بتاعتنا اختلفت
بس اللي بيحب حد بيفضل جواه لحد اخر يوم في عمره مهما باعد بينهم الزمان والمكان
الف مبروك يا صديقة عمري ...ربنا يتمم لك علي خير واخلص منك بقي...خنقتيني ...ههههههههههههههههههه
بارك الله لكما وبارك عليكما وجمع بينكما في خير
لولولولولولولولولوي...........
انا عاوزة بجد اشكر الاتنين اصدقائي دول لان لولا خطوبتهم انا مكنتش فتحت المدونة ومكنتش كتبت لاني بجد حاولت اكتب اكتر من مرة
من ساعة ما خلصت الامتحانات 26/6 بس فشلت........مش عاوزة افتكر ومش عاوزة ازعل ومش عاوزة ابقي كئيبة بس انا محتاجة شوية وقت اهدي وادعولي اني ارجع تاني اقرأ واكتب زي الاول
اللهم لا اعتراض....ان لم يكن بك عليا غضب فلا ابالي
وحشتوني اوي اوي ....ووحشتني الكتابة في البلوج ....ربنا يهديني وييسرلي الحال يارب
انا في انتظار النتيجة الاسبوع الجاي ان شاء الله....اللي بيحبني بجد يدعيلي لاني عمري ما كنت محتاجة دعواتكم زي اليومين دوول
لا اله الا الله ..........سيدنا محمد عبده ورسوله
هناك 3 تعليقات:
رومى حبى الف مبروك لصحباتك وربنا يسعدهم
انا مش عارفه اقولك ايه بجد ربنا يخليكى ليا يارب وافرح بيكى قريب يارب
وربنا يطمنا على نتيجتك ونفرح بيكى ونزغرط يارب قريبا
----
ربنا يسعد كل الناس يارب ويكتب لهم الخير يارب
وربنا يخليكى ليا يا حبى وميحرمنيش من حبك ولا حنانك ولا طيبه قلبك دى ابدا
ونفضل طول العمر اصحاب
=-----
بحبك
نسيت اقول لقراء بلوج رومى انار الله ايامكم بتشريف رومى ثانية بعد انقطاع دام طوال فترة امتحاناتها
ادعوا معايا ان ربنا يطمنا عليها ويسعد قلبها يارب ونزغرطلها
الف مليون مبروك ليهم
وعقبالك يا قمراية
يا رب دايماً اشوفك بخير و سعادة
ابقي ادعيلنا معاكي بالاومتياز دة اللي بتقولي عليه
يا رب يا رب
لخسن الامتحانات ككانت معوقة
عامتاً
دمتي سعيدة
سلامون عليكي
إرسال تعليق