السلام عليكم اعزائي .........
ازيكم عاملين ايه؟؟؟
يارب تكونوا بخير وصحة وسعادة
قبل ما ادخل في الموضوع اللي عايزة اتكلم عنه انهاردة
قبل ما ادخل في الموضوع اللي عايزة اتكلم عنه انهاردة
احب ابارك لاختي علي نجاحها وباقولها الف مليون مبروك
وعقبال يارب التخرج كده وافرح بيكي واشوفك دايما سعيدة ومبسوطة
ممكن اكون معرفتش احقق حلمي في دراستي السنة دي
بس شوفوا بقي ربنا اد ايه كريم
وعوضني عن السنة دي بنجاح اختي وفرحني بيها
والله كأني انا اللي نجحت بالظبط ...
بس برده انا طماعة
وطمعانة في كرم ربنا
انه يعوضني في دراستي السنة الجاية ان شاء الله
لو كان ده الخير ليا
وانا الحمدلله راضية بحكمه في جميع الاحوال
لان هو اللي خلقني وهو ادري مني بمصلحتي
اللهم لك الحمد كما ينبغي لجلال وجهك وعظيم سلطانك
خلينا بقي في المهم .........
وعايزة كمان ابارك لكل اصحابي في الكلية علي نجاحهم وتفوقهم في سنة رابعة ...
ربنا يارب يفرح قلبكم كمان وكمان
وتتخرجوا علي خير وتحققوا كل احلامكم
وافرح بيكم واشوفكم كده عرايس زي القمر ههههههههه
سيبكوا من الطب ده بلا كلام فارغ هههههههههههههه
سامحوني اتاخرت في اني ابارك لكم
بس ربنا وحده اللي عالم انا كنت بامر بايه ....
اللهم لا اعتراض....
وماتقلقوش اول يوم في الدراسة
كل واحدة فيكم هتشربني الحاجة الساقعة
او ممكن نقسمها شوية عليهم الحاجة الساقعة
وشوية عليهم الغدا وشوية العشا هههههههههههههههههه
وعلي فكرة انا بطلت
او بمعني اصح هابطله اليوم ده
واللي هتيجي تقولي انتي عاملة رجيم
هاعضهاااااااااااااااا
اللي خلاني اكتب عن الموضوع ده انهاردة
هو اني نفسي اوصل رسالة لكل اصحابي
ولاي انسان خسر حاجة كان بيحلم بيها
او خسر حد كان بيشاركه احلامه
او ربنا ماوفقهوش السنة دي
ومكانتش نتيجة امتحاناته زي ما كان بيتمناها ........
وبالاخص انا باهدي البوست ده لصديقة عزيزة عليا جدا جدا
وباقولها ماتزعليش علي اي حاجة راحت منك لسه ربنا شايل لك الخير
تفائلي يا حبيبة قلب رومي
ومش عايزة اشوفك متضايقة من حاجة احسن بجد بجد هاعضك
وطبعا الكلام ده باقوله لنفسي زي ما باقوله ليكم
خلونا نحاول سوا نطلع من اي اذمة بنمر بيها
ومانضيعش ثانية في الحزن علي حاجة بقت في الماضي
لما باكون متضايقة وحاسة انها اتقفلت في وشيي من كل ناحية
باقوم اجري علي كتاب "لا تحزن" اللي كاتبه الشيخ "عائض القرني"
اد ايه انا بارتاح للشيخ ده
واد ايه كلامه بيدخل قلبي بسرعة البرق
وبيدني امل في الحياة....
عشان كده قررت ان كل المقالات اللي جاية ان شاء الله
هتكون من كتاب "لا تحزن"
كل اللي هاعمله اني هنقل لكم الموضوع زي ما هو مكتوب بالنص في الكتاب ده
وهعلق عليه باسلوبي
وبرده اي كتاب في التنمية البشرية هيعجبني
هاجي وهاكتب لكم عنه
لاني نويت الحمدلله اني قبل ما اخد اي خطوة فعلية في دراستي
وفي تحقيق حلمي
اني ابني نفسي صح الاول ...
.يلا بقي كفاية رغي وندخل في الموضوع.......
يقول الشيخ عائض القرني:
""الذكي الاريب يحول الخسائر الي ارباح،
والجاهل الرعديد يجعل المصيبة مصيبتين.
طرد الرسول –صلي الله عليه وسلم- من مكة
فأقام في المدينة دولة ملأت سمع التاريخ وبصره.
سجن أحمد بن حنبل وجلد،فصار أمام السنة
وحبس ابن تيمية فأخرج من حبسه علما جما
ووصع السرخسي في قعر بئر معطلة فأخرج عشرين مجلدا في الفقه،
وأقعد ابن الاثير فصنف جامع الاصول والنهاية من اشهر وانفع كتب الحديث
ونفي ابن الجوزي من بغداد فجود القراءات السبع
وأصابت حمي الموت مالك بن الريب فأرسل للعالمين قصيدته الرائعة الذائعة التي تعدل دواوين شعراء الدولة العباسية
ومات أبناء أبي ذؤيب الهذلي فرثاهم بالياذة أنصت لها الدهر ،وذهل منها الجمهور وصفق لها التاريخ.
اذا داهمتك داهية فانظر في الجانب المشرق منها
اذا داهمتك داهية فانظر في الجانب المشرق منها
واذا ناولك احدهم كوب ليمون فأضف أليه حفنة من سكر
واذا اهدي لك ثعبانا فخذ جلده الثمين واترك باقيه
واذا لدغتك عقرب فاعلم انه مصل واق ومناعة حصينة ضد سم الحيات.
تكيف في ظرفك القاسي،لتخرج لنا منه زهرا ووردا وياسمينا ،
"وعسي ان تكرهوا شيئا وهو خير لكم"
سجنت فرنسا قبل ثورتها العارمة شاعرين مجيدين متفائلا ومتشائما فأخرجا رأسيهما من نافذة السجن،فأما المتفائل نظر
نظرة في النجوم فضحك.وأما المتشائم فنظر الي الطين في الشارع فبكي.
انظر الي الوجه الآخر للمسأساة،
لان الشر المحض ليس موجودا،
بل هناك خير ومكسب وفتح وأجر.""
________
ياريت كلنا نبقي زي الشاعر المتفائل ده
ومانقعدش بقي نبكي ونحزن علي حاجة فاتت وراحت مننا
لان الثانية اللي بتعدي مابترجعش تاني
وخلاص الحزن والندم مش هيفيدوا
احنا ممكن نندم ندم ايجابي اللي يدفعنا لقدام مش اللي يشدنا لورا ............
في جملة عايزاكم تقروها كويس:
Opportunityisnowhere
عايزة كل واحد فيكم يقولي فهم ايه من الجملة دي وقراها ازاي؟
اللي متفائل وعنده امل هيشوفها
Opportunity is now here
واللي متشائم هيقراها
Opportunity is no where
مستنية اعرف قرأتوها ازاي .........
اسفة اني طولت عليكم .....وربنا يسعد ايامكم ويفرح قلوبكم قادر يا كريم
"It is never too late"
"It is never too late"
اني احبكم في الله
لا اله الا الله .......سيدنا محمد رسول الله
هناك 8 تعليقات:
السلام عليكم ازيك يادكتورة ريهام بهنيكى عالبوست بجد كلامةجميل وبحييك على اختيارك لموضوعاتك وتفاؤلك الجميل انا كنت محتاج رايك فى حاجة لما حد يحب حد اوى لكنة حاسس انة تايهة وقلقان من مستقبلةوخايف على حبيبة يتعذب معاة لكن فى نفس الوقت مش عارف يبعدعنة ودايمافى بالة وكل لحظة بتعدى علية من غيرة بتتعبة ومتاكد ان الشخص دا بيحبة فعلا يعمل ايةى بجد الشخص دا تايهة وانابثق فى رايك ياريت تقوليلى والف مبروك لاختك وعقبال كل سنة وفعلا اخت الوز عوامة
اية يا عم الكلام الجامد ده البوست هايل يا رومي و ألف ألف مبروك للبشمهندسة وسيبها تنقي القسم براحتها لحسن أنا اللي هعضك.
وموضوع الحاجة الساقعة والغدا فمتقلقيش خالص أنا على أتم استعداد انك تعزميني هههههههههه يلا هيصي هههههههههههه.
أنا بس لي تعليق على بوست أ.هاني يمكن عشان فكرني بموقف حصل قدامي وكانت النهاية مأسآوية والعياذ بالله:
الشخص ده لازم يعد مع نفسة ويراجع حساباته يعرف اللي لية واللي علية يعرف خايف من اية وعايز ايه يشوف نقط ضعفه ويقويها مش يتغاضى عنها أو يدعي بعدم وجودها ويواجه مشاكله برجوله وكل مشكلة ليها حل طالما الواحد عنده ثقة بالله ,فيطلع من البلبلة اللي هو فيهاعلى الأقل يدي ثقة للي بيحبهم ان قرار ارتباطه بيهم مش جزء من فكره المشوش لأ دا أكتر حاجة ممكن يكون متأكد منها في حياته لأن لو فكر يرجع في قراره أول خطوة هيخدها لورا هيكون مش بس بيدوس بيها على أحلامه لأ دا كمان بيدوس على ثقة الطرف التاني فيه وكل ما كان اللي بيدوس علية كبير كل ما زادت فرصة وقوعه وكل ما كانت اصابته أكبر ويا عالم هيقوم إزاي؟؟؟؟؟؟؟
كمان اللي بيحب بحد لازم يقدر يشارك الطرف التاني همومه وحل مشاكله ويقف جنبه في عز الشدة حتى لو الكل اتخلوا عنه حتى لو خسر كل حاجة يبقى عارف دايما ان في حاجة مش ممكن هيخسرها........حبه
ازاي واحد تايه بالشكل ده اللي بيقوله أ.هاني ممكن يعمل كدة دا أكيد هيكونه قربه من اللي بيحبه هيكون عبء عليهم هما اللى اتنين....
من الآخر الانسان ده لازم يفوق وياخد قرار سواء بالقرب أو البعد لأن لو مقررش الدنيا هتآخد قرارها بالنيابة عنه .ولو كان بالقرب يتمسك بحبه لحد النهاية فإية فايدة انه يحلم وهو مش قادر يتمسك بحلمه ...يبطل يحلم أحسن وحتي لو فشل يبقى كفاية انه ما استسلمش. ولو بالبعد يبقى يبعد ويتمنى للي بيحبه السعادة.
معلهش طولت.......
go on romy.
آه على فكرة يا رومي أنا قريت الجملة زي أول واحدة بس لما رجعت دققت (انت عارفه الوسوسة بتاعة الكلية عملت فينا ايه!!!!!!!) لقيت الاحتمال التاني.
dr.pencil)موءة(
سلام عليكم.......
هاني.....
ميرسي علي الكومنت
اما بخصوص الموضوع اللي سالت عنه موءة قامت بالواجب وزيادة بصراحة وماسابتليش حاجة اقولها
وعلي فكرة انت نسيت تقولي قريت الجملة ازاي؟؟؟!!!!!
نورت مدونتي
_______
dr.pencil ..........
ميرسي علي تعلقيك يا قمرةوالله يبارك فيكي يا حبي وبرده هاغلس عليها واختار لها القسم هه بقي هوا كده غصم واقتدار
واللي مش عاجبه يلا بقي يمشي عشان هنرش مية ههههههههههههههههه فكرتيني زمان لما كنت صغيرة وهيثم اخويا بيذاكر واحب ارخم عليه يقولي يلا يا ريهام امشي بقي عشان هنرش مية طبعا كنت باسمع الكلام وبامشي- طول عمري مطيعة وانتي عارفاني- بس كنت باروح اجيب ازازة مية واغرقه بيهاااااااااا
ارجع بقي يا هيثم بجد وحشتني ومحتجالك جدا ربنا يوفقك ويعلي مراتبك ومخدادتك
وبعدين ايه حكاية العزومة دي ؟
انا شكلي اتدبست يا جدعان
مين جاب سيرة عزومة؟ انا لا سمح الله ؟؟
ههههههههههههههههههه
انت عارفاني ساعة الجد مبداي (الجري كل الجدعنة)
بس ولا تزعلي لييكي عليا يا ستي لو ربنا كرمني في حلمي السنادي وحققته هاجيبلك باكو لبان يلا هيصي بقي
لا ومش اي نوع هاجيبلك" كوكو واوا"
وجودك جنبي هوا اكبر عزومة وهدية ممكن تهديهالي
وجميل اوي انك قراتي الجملة صح بتفاؤل ربنا يوفقك وينولك كل اللي في بالك واشوفك دكتورة اد الدنيا واشطر دكتورة في المثلث ارضي ههههههه
وكلامك في الموضوع اللي سال عليه هاني بجد بجد تحفة وعجبني جدا واكتر جملة عجبتني بجد"ان لو الواحد ماخدش قراره الدنيا هتاخده نيابة عنه" ساعات الواحد ربنا بيديله الفرصة انه ياخد قرار بس مع الاسف بنضيع الفرصة دي ونرجع نندم وساعات بيكون الندم لا يفيد لان خلاص بتكون الدنيا فعلا اخدت القرار نيابة عننا ومش كل حاجة بتروح مننا بينفع نرجعها تاني ...في حاجات لما بتروح مننا كذا مرة ومع ذلك ربنا مابيحرمناش منها ويدينا فرصة نحافظ عليها ومع ذلك بنضيعها ونتمني انها ترجع بعد ما يكون خلااااااااص سبق السيف العزل ...احسنتي قولا
خدي بالك من نفسيكي اوي
نورتيني
رائع كلامك ياريهام..انتي إنسانة مرهفة المشاعر وحساسة جدا وتمتلكي أسلوب رائع في التعبير عن مابداخلك..استمري دائما ولا تجعلي أي شئ يوقفك عن مداعبة قلمك..
ريهام انتى وحشانى اوى
وبحسد نفسى على انك اقرب المقربين لقلبى
ربنا يخليكى ليا يارب وميحرمنيش منك ابدا
---
الشخصيات الى زيك يا رومى نادرين اوى ف الدنيا دى...والى يلاقييهم وميحافظش عليهم بيندم اشد الندم انه خسر حد كويس وطيب ومحترم وبيحب الناس اكتر من نفسه
اد ايه انتى رقيقه وطيبه اوى...اشهد الله تعالى انى احبك ف الله
---
اولا الف مبروك لرنا وسلامى ليها كتير اوى..وبوسيهالى
---
ومبروك لكل الناجحين وربنا يكرم الجميع وبالتوفيق ان شاء الله
---
انا اد ايه فرحت بفكرة انك تكتبى عن كتاب لا تحزن...جزاكى الله خيرا بكل حرف قرأه اى انشان وكتبتيه...انا والله استفدت كتير اوى من الكتاب ومن الناس الى واجهوا مشاكل وظروف صعبه وحولوها لنجاحات
---
على فكرة انا قريت الجمله
no where
معرفش ليه يمكن علشان تعبانه شويه
ولا تفتكرى انا مش متفائله الايام دى
انا مش عارفه
المهم انى استفدت من كلامك جزاكى الله كل الخير
وربنا يرزقك بالزوج الصالح الى يستاهلك ويعرف يقدر ريهام ويحبها ويحميها
..لان انتى متستاهليش غير حد يحبك ويشيلك جوا عنيه وربنا يسعد ايامك يارب وربنا يظلنا تحت ظله يوم لا ظل الا ظله
والسلام ختام
سلام مؤقت
السلام عليكم......
د/احمد قدح....
بجد ميرسي جدا علي كلامك الجميل ده
بس لو هتتكلم بقي عن الاحساس المرهف وجمال الاسلوب في التعبير يبقي انت بلا منازع
انا مستنية موضوع جديد لانك من ساعة موضوع صاحبة الفستان الاسود ماكتبتش حاجة
وبجد انا ليا الشرف انك تزور مدونتي المتواضعة يعني هي لسه في الاول حاجة صغنتوتة كده علي ادي
ربنا يوفقك يارب ويكتب لك الخير حيث كان
نورتني
______________
هبهووووووووووووووووووب......
ماقدرش انا يا عم عالكلام الحلو ده
ربنا مايحرمنيش منك ابدا يا بوبا
وبعدين انا اللي لازم احسد نفسي عليكي لان ربنا عوضني بيكي عن شوية بني ادمين عرفتهم وطلعوا ...........
بس بجد الكلام ده كتير عليا اوي يا بوبا
اما بالنسبة لرنا ماتقلقيش انا يوم النتيجة هريتها بوس وعض وكل حاجة ممكن تتخيليها ههههههههههه
عايزاكي تفضلي تدعيلي علي طول كده يا هبة لان بجد دعواتك اد ايه بتريحني
ادعيلي ان ربنا يهديني الي الخير ويقربني منه ويرشدني للطريق المستقيم اللي ادخل بيه الجنة
بحبك اوي......ربنا يتمم لك بخير
نورتيني
هههههههههههههههههههههههههههههههههههههههههههههههههههههه
قريتها opporunity is no where
يخربيت التفاؤل
مقالك روعة
وانا كنت محتاجاة فعلاً
من نواحي مختلفة مش لازم اقولها يعني
بس الحمد لله علي كل حال
ربنا يعزك يا رب يا رومي
و يجعله في ميزان حسناتك
دمتي سالمة
سلامٌ عليكي
سلام عليكم.......
نعكوووووووووشة ........
هههههههههههههههههه
طب وهو حد قالك قولي ايه الواحي المختلفة دي؟؟
بالراحة ماتزقيييييييش .. ايعه دادا
نورتيني ....طمعانة في مزيد من دعواتك الجميلة ليا
نورتيني
إرسال تعليق