انا مش هفضل كده علي طول
مش هستني العمر يعدي
انا مش هسكت لازم اقول
اد ما هاخد اد ما ها ادي
انا دلوقتي باراجع نفسي قبل ما الايام تفوت
وعشان حاجات تعيش....... حاجات كتير لازم تموت
مش كبرياء..... لكن باصلح كل شيء فيا انكسر
ومن الغباء انك تعيش زي الملاك بين البشر
ومن الغباء انك تعيش زي ملاك بين البشر
ومن الغباء انك تعيش زي الملاك بين البشر
ومن الغباء انك تعيش زي الملاك بين البشر
يعني باراجع نفسي
واللي زمان انا عشته لغيري
انا دلوقتي هاعيشه لنفسي
_____________________
لاول مرة في حياتي مش قادرة اغفر للي ظلمني .....
لاول مرة مش قادرة احافظ علي قلبي ابيض من غير نقطة سودة بسبب الظلم
لانها هاتفضل معلمة في قلبي وفي مستقبلي لاخر يوم في عمري
لاول مرة احس اني مش قادرة اكتب اللي حاساه
الظلم وحش اوي....كان نفسي احكيلكم بس من كتر اللي جوايا مش قادرة اواجه بيه نفسي واكتبه قدام عنيا
كنت مفكرة اني سامحت اللي ظلمني بس اكتشفت اني كنت باضحك علي نفسي وعلي قلبي عشان يفضل ابيض
زي ما كنت بععمل علي طول وادور علي مبررات عشام اشيلش من حد
بس صدقوني المرة دي الضربة كانت قوية اوي
لا حول ولا قوة الا بالله العلي العظيم.....
.حسبي الله ونعم الوكيل في كل حد حبيته من قلبي وداس عليا وضيعني......
ده اخر بوست هاكتبه لاني محتاجة ابعد عن كل حاجة وافوق لروحي
بجد هتوحشوني بس لازم ابعد لان اي حاجة هاكتبها بعد كده هتكون ممزوجة بالاحساس بالظلم والقهر وضياع المستقبل
خدوا بالكم من نفسكم اوي وادعولي كتير اني اقدر ادوس علي قلبي المرادي واسامح
لا اله الا الله ..... سيدنا محمد رسول الله
هناك 3 تعليقات:
اذيك يا رومى
اصعب احساس ممكن يحسه انسان هو الاحساس بالظلم
وخصوصا لما بيكون من حد بنحبه
شوفى يا رومى
رغم ان دا اصعب احساس فعلا الا ان احنا كبشر بنطلب من ربنا العفو والصفح والمغفرة
وعلشان نطلب دا لازم احنا كمان نسامح ونغفر ونصفح عن الى بيأذونا
ودا مش علشان احنا لسه بنحبهم رغم ظلمهم
لأ
لكن علشان احنا كمسلمين بنبص للأخرة واذاى نفوز بيها حتى لو مقابل دا اننا نضحى بكتر ف الدنيا الفانيه
الاخرة هى الى باقيه يا قمرتى
عيشى اللحظه الحلوة وانسى الاساءة هتعيشى احلى وعيشى اللحظه
الثانيه الى بتعدى مبترجعش تانى
لا يوجد وقت للعيش بسعادة افضل من الان
بحبك اوى
وحشااااااااااااااااااانى
وحشتيني يا رومي برغم ان مبقلناش مدة كبيرة مقابلين بعض, يا رب تكون نفسيتك أحسن دلوقت والله بدعيلك ربنا يكرمك ويهديكي يا رب انتي تستاهلي كل خير.
لأ مش دي رومي اللي عرفتها من امتى وانتي في في قلبك مكان للكره أكيد دا كلام في ساعة ثورة وغضب لما الواحد بثور على كل حاجة ويبيع كل حاجة في لحظة يأس لكن جواكي حاجة تانية.
معاكي ان الشعور بالظلم مر بس ما فيش انسان في الدنيا ممكن يقهرك أو يدمرك مهما كان ومهما عمل ارادتك أقوى من كدة بكتير بس انتي اللي مش مدية نفسك حقها, اية يعني كام صاحبة وحشة ما ياما قابلتي وياما هتقابلي الدنيا لسة شايلة كتييييييييييير انت لسة في أول المشوار إجمدي وجمدي قلبك و بعدين انتي لسة قايلة ان ربنا رزقك بصاحبتين من أجمل ما يكون مش معقولة تجزعي بمجرد ان ربنا ابتلاكي بناس تانية مش على نفس القدر من الوفاء خليكي صبورة واحتسبي أجرك عند ربنا........المشوار لسة طويل.
dr.pencil
:|
لا حول ولا قوة إلا بالله العلي العظيم
مالك يا قمر فيه إية؟
يا رب يبعد عنك كل السوء
يابنتي تذكري
فإنه ما منعك إلا ليعطيك، ولا ابتلاك إلا ليعافيك، ولا أمرضك إلا ليشفيك
لو مش هتسامحي حاولي تنسي و في الاخر بعد ما تنسي سامحي
متقعديش تفكري في الموضوع كدة
ربنا يفرج عنك يا جميلة
دمتي سالمة
سلامٌ عليكي
إرسال تعليق