بالله يقيني

كل عام وأنتِ أمي

سلام عليكم ورحمة الله وبركاته
ازيكم يا ولاد عاملين ايه؟
وحشتوا قلب رومي اوووووووووي
يارب تكونوا كلكم بخير وصحة وسعادة
وكل سنة وكل ام طيبة وبخير
انا بصراحة حاولت اكتب كلمات تعبر عن حبي لأمي
بس مالاقتش ولا كلمة ممكن توفيها حقها عليّ
بس لاقيت كلمات اغنية معبرة عن شيء من اللي جوايا .... الاغنية اسمها
Because You Loved Me
كل كلمة في الاغنية دي منطبقة علي أمي
تعبت عشاني كتير اوي ضحت بسعادتها كتير واختارت انها تسعدنا احنا
المرة اللي شوفت فيها دموعها كانت عشاني
وماشوفتش ضحكتها الا وهي فرحانة بيا وباخواتي
الله عليكي يا أمي .... لما بابص لحياتي بالاقي انك اجمل حاجة حصلت لي
حضني الدافي لما الدنيا غدرت بيا
دموعي اللي نزلت لما حسيت بظلم البشر
ضحكتي اللي بتداعب شفايفي لما انجح واحقق حلمي وحلمك
قلبي الكتكوت اللي لما بيخاف مالدنيا بيجري عليكي ويحتمي بيكي
اكتر حد حسيت معاه بالامان
اكتر حد حبني بجد وحبي مكلبش في قلبه هو انتي يا أمي
اللحظة اللي حسيت فيها بالوحدة كنت معايا وحواليا
تراقبيني من بعيد وتشوفي الدنيا بتعلمني بتبقي حنينة عليا من غير ما احس
وتسيبني اتعلم مين اثق فيه ومين ماثقش فيه
مش عارفة اقول ايه ؟؟؟؟
بس بيتهيألي الدموع اللي في عيوني دلوقتي تقولك اد ايه انتي عمري وحياتي وروحي اللي عايشة بيها
ربنا يخليكي ليا يا أمي

احم احم احم ..... امسك نفسي شوية بقي ونتكلم جدا
اصلي بصراحة لازم اغلس عليكم
هاكتب لكم قصة كانت اول مرة أقرأها في كتاب اسمه الحلال والحرام للشيخ المبجل محمد متولي الشعرواي رحمه الله وادخله فسيح جناته
المهم ندخل فالموضوع بقي يقول شيخنا الجليل :

روي عن رسول الله" صلي الله عليه وسلم" بشأن علقمة..... وكان شابا كثير الاجتهاد في طاعة الله في الصلاة والصوم والصدقة فمرض واشتد مرضه فأرسلت امرأته الي رسول الله "صلي الله عليه وسلم" :

(إن زوجي علقمة في النزع فأردت أن أعلمك يا رسول الله بحاله )



فأرسل النبي" صلي الله عليه وسلم" عمارا وصهيبا وبلالا وقال :

(امضوا إليه ولقنوه الشهادة فمضوا اليه ودخلوا عليه فوجدوه في النزع فجعلوا يلقنوه لا اله الا الله )...............
ولسانه لا ينطق بها

فارسلوا الي رسول الله" صلي الله عليه وسلم "يخبرونه ان لسانه لا ينطق بالشهادة

فقال النبي" صلي الله عليه وسلم" : ( هل من أبويه أحد حي؟)

قيل..... يا رسول الله أم كبيرة السن..... فأرسل اليها رسول الله" صلي الله عليه وسلم "

وقال لمن ارسله اليها : (قل لها إن قدرت علي المسير الي رسول الله صلي الله عليه وسلم والا فاقعدي في المنزل حتي ياتيك)

قال فجاء اليها رسول رسول الله فاخبرها بقوله" صلي الله عليه وسلم "

فقالت : (نفسي لنفسه فداء انا احق بإتيانه )

فتوكأت وقامت علي عصا وأتت رسول الله" صلي الله عليه وسلم" فسلمت فرد السلام عليها وقال لها :

(يا أم علقمة أصدقيني وإن كذبت جاء الوحي من الله تعالي كيف كان حال ولدك علقمة؟)

فقالت: ( كثير الصلاة كثير الصوم كثير الصدقة )

قال رسول الله" صلي الله عليه وسلم: ( فما حالك؟)

قالت: ( أنا عليه ساخطة )

قال: (ولم؟)

قالت: ( كان يؤثر علي زوجته ويعصيني)

فقال الرسول" صلي الله عليه وسلم": ( ان سخط أم علقمة حجب لسانه عن الشهادة)

ثم قال: ( يا بلال انطلق واجمع لي حطبا كثير)ا

قالت : (يا رسول الله وما تصنع؟ قال احرقه بالنار بين يديك )

قالت: ( ولدي لا يحتمل قلبي ان تحرقه النار بين يدي )

قال: ( يا أم علقمة عذاب الله اشد وابقي فإن سرك ان يغفر الله له فارضي عنه فوالذي نفسي بيده لا ينتفع بصلاته ولا بصيامه ولا بصدقته مادمت عليه ساخطة )

فقالت: ( يا رسول الله أن اشهد الله تعالي وملائكته ومن حضرني من المسلمين اني قد رضيت عن ولدي علقمة )

فقال رسول الله" صلي الله عليه وسلم ": (انطلق يا بلال إليه وانظر هل يستطيع ان يقول لا اله الا الله ؟؟....فلعل أم علقمة تكلمت بما ليس في قلبها حياء مني )

فانطلق فسمع علقمة في الدار يقول لا اله الا الله



ومات علقمة من يومه فحضره رسول الله" صلي الله عليه وسلم" فأمر بغسله وكفنه ثم صلي عليه وحضر دفنه ثم قام علي قبره وقال :

(يا معشر المهاجرين والانصار من فضل زوجته علي أمه ...
فعليه لعنة الله والملائكة والناس اجمعين
لا يقبل الله منه صرفا ولا عدلا الا ان يتوب الي الله عز وجل
ويحسن إليها ويطلب رضاها فرضي الله في رضاها وسخط الله في سخطها )
اللهم ارزقنا الشهادة عند الموت يا ارحم الراحمين
___________________________________

Because You Loved Me


For all those times you stood by me
For all the truth that you made me see
For all the joy you brought to my life
For all the wrong that you made right
For every dream you made come true
For all the love I found in you
I'll be forever thankful baby
You're the one who held me up
Never let me fall
You're the one who saw me through through it all


You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me


You gave me wings and made me fly
You touched my hand I could touch the sky
I lost my faith, you gave it back to me
You said no star was out of reach
You stood by me and I stood tall
I had your love I had it all
I'm grateful for each day you gave me
Maybe I don't know that much
But I know this much is true
I was blessed because I was loved by you


You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me


You were always there for me
The tender wind that carried me
A light in the dark shining your love into my life
You've been my inspiration
Through the lies you were the truth
My world is a better place because of you


You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me


I'm everything I am
Because you loved me

رجعت لي حريتي

قررت اسيب القفص واطير

مش هاعيش تاني اسير

يعني هيحصل ايه؟هخاف من ايه؟

لو جناحي خذلني ووقعت يكفيني اني حاولت

مش كل قلب مكسور لازم يعيش وجناحه مكسور

......................................................................

اخيرا .... طاوعتني ؟؟؟

اخيرا طاوعتني؟؟؟؟

هتكتب كلمة نهاية؟؟؟؟

اكيد بتسهيني ....
عشان ترجع تاني تنسيني .... طعم العذاب والجراح
وللنار تاني توديني

ياما صبرت كتير....
وانت تقولي انسي يا ام قلب كبير .....
هتنسي والجرح مش هيسيب تأثير

وانا اطاوعك وانسي ....
والضحكة في بحر عيوني ترسي

وترجعلي بسمتي تاني ....
. ويضحك ليا زماني .....
واقووووول خلاص دي اخر احزاني ....
اخيرا هتتحقق احلامي

وفي عز ضحتكي ....
تتسرق مني فرحتي ....

ومن اعز الحبايب ننجرح
وبسكينة قاسية نندبح

نفسي اعرف كان ذنبي ايه ؟؟؟؟
دي تكون نهاية الاخلاص ليه ؟؟؟؟؟؟؟؟؟؟؟؟

واجي علي نفسي وانسي .......
وعليها كمان ممكن اقسي
ومن تاني ارجع اعيش ....

بسمتي علي شفايفي ....
وقلبي حزين مكسور ....
وباقول اهي فترة والايام بتدور

وبعد ما اتعودت علي وحدتي ..... والنار جوايا بدأت تنطفي ......

جاي تفكرني باللي كان ؟؟؟؟؟...................... وانك عرفت معايا طعم الامان

كنت فين لما ضاع مني اماني ...؟؟؟؟ كنت فين لما تاهت مني احلامي ؟؟؟؟؟؟؟؟؟؟

لا يا قلمي كفاية خلاص ....................... عايزاك بقي تنسي كلمة اخلاص

الاخلاص مع قلب ميعرفش الاخلاص ...........مايبقاش اخلاص

يبقي وجع وعذاب وخلاص

قولي انك طاوعتني ؟؟؟؟؟.............

قولي انك ندمان ............
عشان وهمتني بالامان .....
تجاه انسان غدر وخان ...... وعذبتني


انا اهو باقولهالك ................. رضيت او مارضتش باكررها لك
انا استغنيت عنك يا قلمي ...... ولو حكمت كمان هكتبها بدمي

دي خلاص النهاية لكل شيء كان جوايا

ملاك بريء

نظرت إليها .....

اسرتني عيناها .....

تركت لعقلي العنان كي يغرق في بحورهما

تَري؟ ما تلك الملامح الملائكية؟

وما تلك النظرة اللي اراها في عينيها؟؟

فقد احسست بدفء وامان لم اشعر بهما قط في حياتي

رغم انها لم تكن علي درجة عالية من الجمال

ولكن وجهها يحمل من البراءة والطفولة ما جعل قلبي يرقص فرحا

سعيدا ... بوجود ذلك الوجه المضيء بيننا في زمن لا يعرف أناسه سوي القسوة

سرحت كثيرا وكثيرا .... ارتميت في حضن عيناها كي استزيد بمعاني الحب والوفاء

التي افقتدها في اقرب الناس الي قلبي

وفجأة ...............

لمحت في عيناها نظرة .... استوقفتني لا ... بل آلمتني

نظرة حزن عميق ....

حزن يأبي قلبها ان يظهره علي وجهها المشرق

كيف يعرف الحزن قلب تلك الفتاة؟؟؟

كيف يعرف الحزن طريقه الي هذا الوجه البريء ؟؟

ولكنها رأتني انظر اليها ....

فاخذت بعيناها عني وهي تحاول ان تستعيد ابتسامتها

التي تنشرها بحب ودفء بين كل الناس المحطيطين بنا

ولكني لم استطع ان أدير وجهي عنها..... كاد الفضول يقتلني

في عيني أسئلة كثيرة

اردت ان أعرف اجابتها

هل اذهب واحدثها ؟؟

أم ابقي في مكاني مراقبة لها من بعيد

اكتفيت بالنظر اليها ....

بذكائها الذي رأيته في عيناها احست بما يدور بداخلي

وكأنها تعلم انني اريد ان اعرف عنها الكثير

نظرت لي نظرة....ابدا لن انساها

نظرة لا استطيع ان اصفها

قلمي يعجز عن وصف ما احسست به

كأنها تقول لي لا تحزني من اجلي أنا اعرف كيف اتغلب علي احزاني

واسعد كل من حولي

ونظرت حولنا فوجدت طفلين ...

فاذا بها تخرج قطعتين من الحلوة من حقيبتها

وتعطي كل منهما واحدة وتقبلهما قبلة حب ورضا

ثم نظرت اليّ والقت لي ابتسامة

ورحلت من أمام عيني

لم يعود عقلي من شروده

وظللت افكر

كيف استعادت ابتسامتها؟؟

هل كانت ابتسامة الطفلين هي الدواء ؟؟؟

ما هذا الرضا ؟؟؟

وما ذلك القلب الحنون الذي يقوي بقوة وبسعادة من حوله؟

هل سأراها ثانية ؟؟؟؟

هل سيسعد قلبي ثانية برؤية ذلك الملاك؟؟

واذا لن اراها ثانية.... ما فعلته ظل في قلبي

وعلمتني الكثير في دقائق .... ابدا لن انساها

______________________________

لماذا نسير وسط الناس ونظرة الحزن في عيوننا؟؟

ألسنا في قوة تلك الفتاة ؟؟؟

ما ذنب من حولنا في رؤية الحزن علي الوجوه

كل منّا لديه ما يدمي قلبه

ولكن .........................................

لا يجب ان نحرم من حولنا نظرة امل

ينتظرها

ابدا لن انساكِ

يا صاحبة اطهر واجمل قلب

الصلاة

سلام عليكم ورحمة الله وبركاته,,,,,
ازيكم عاملين ايه؟
يارب تكونوا بخير وصحة وسعادة
وكل اجازة ترم وانتم طيبين
ال اجازة ال............هو يعني ايه اجازة؟؟؟
بس علي مين
مهما عملوا احنا بردو مع نفسنا بناخد اجازة
اينعم بتيجي في الاخر علي دماغنا
بس بناخدها بردو

اموووووو هند(المهم)
حاليا الحمدلله ربنا كرمني وباقرأ في كتاب عبادات المؤمن
للاستاذ الفاضل عمرو خالد
بجد يا جماعة الكتاب جميل جدا جدا
انا قرات كتير في العبادات
بس مافيش كتاب شدني بصراحة زي الكتاب ده
انا اساسا باحب اسلوب الاستاذ عمرو خالد جدا
ربنا يارب يباركله ويجازيه عننا كل خير
وينور سكته ويعلي شأنه قادر يا كريم
اول عبادة عايزة اكلمكم عنها
هي عبادة الصلاة
او بمعني اصح سنن الصلاة
كنت باصلي الخمسة فروض واحيانا السنَة
ومكنتش اعرف بجد فضل سنن الصلاة
انا مش هتكلم عن الموضوع بالتفصيل
انا بس هاحط لكم الاحاديث النبوية اللي تخص فروض الصلاة وسننها
ندخل في الموضوع

بسم الله الرحمن الرحيم
(اتل ما أوحي اليك من الكتاب وأقم الصلاة إن الصلاة
تنهي عن الفحشاء والمنكر ولذكر الله اكبر والله يعلم ما تصفون)
صدق الله العظيم
يقول النبي صلي الله عليه وسلم :
"ركعتا الفجر خير من الدنيا وما فيها "
بجد يا جماعة اللي مش بيصلي الفجر بيفوته احساس جميل اوي
لو عاش عمره كله من غير ما يصليها
مش هيحس بجد بلذة الايمان
وبجمال القرب من ربنا
لو عايز حد يسمعك ..............مش هتلاقي زي ربنا
يسمعك اوي ويكرمك اوي
لما تصحي الفجر وتصلي وتدعيه وتسأله مسألتك

وتبقي شايل جوا قلبك هموم كتير اوي
وتدعي وتعيط بحرقة
يارب انا تعبان يارب افرجها يارب
وتدخل تنام وانت من جواك واثق ان فرج ربك قريب مهما طال تعبك
هتصحي بقي حاسس اجمل احساس ممكن يحسه بني ادم
وهو الاحساس بالرضا
تبقي راضي بكل اللي بيحصلك مادمت بتعمل الصح واللي عليك
وشوف بقي ربنا هيفرجها عليك ازاي
حديث اخر عن صلاة الفجر يقول صلي الله عليه وسلم:
(لا تدعوا ركعتي الفجر وإن طردتكم الخيل)
شايفين اد ايه كان الحرص علي صلاة الفجر؟؟؟
احنا بقي المنبه يا عيني يفضل يصرخ
واحنا ننااااااااااااااااااام ومانصحاش نصلي
وعلي فكرة ماحدش يتحجج ويقول باظبط المنبه ومش باصحي
عايزة اقولكم انتم لو قعدت اسبوع واحد بس تواظب علي صلاة الفجر
هتلاقي نفسك اتوماتك بتصحي علي اذان الفجر
ولما بيكون من جواك ايمان بالله ورغبة حقيقية في انك تقرب له
هاتقوم ولو حتي كنت نايم ساعة واحدة بس
حسوا يا جماعة بقيمة الصلاة وحلاوتها
عشان تقوموا من النوم وانتم بجد مستنيها بفارغ الصبر
عشان تبقي في سكون الليل وانت وربك وبس

معلش انا رغيت في الحديث عن صلاة الفجر
لاني بجد حسيت حلاوتها
ونفسي والله كلكم تحسوها وتواظبوا عليها
المهم نتكلم بقي عن سنن الصلاة
اولا السنن المؤكدة :
يقول المصطفي صلي الله عليه وسلم :
(من صلي في يوم وليلة اثنتي عشرة ركعة بني له بيت في الجنة
اربعا قبل الظهر وركعتين بعدها
وركعتين بعد المغرب
وركعتين بعد العشاء
وركعتين قبل صلاة الغداة) اي صلاة الصبح
الحديث الشريف مش محتاج اني اوضحه
يا جماعة بيت في الجنة .....
متخيلين؟؟؟..............الله اكبر يارب اعنا علي حسن عبادتك
ممكن نجيب ورقة وقلم ونقسم الورقة علي مدار الاسبوع
ونقسم الورقة لخمس خانات عشان صلاة السنَة
ونشوف كده هنجيب كام بيت في الجنة في الاسبوع

في اكرم من كده؟؟؟.......... اكيد لا
في حد احن علينا من ربنا؟؟؟...........اكيد لا
طب احنا مستنين ايه بقي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نيجي بقي للسنن الغير مؤكدة:
وهي السنن التي واظب عليها النبي صلي الله عليه وسلم
ولم يرغب فيها مثل ترغيبه في فعل السنن المؤكده وهي:

**ركعتان بعد صلاة الظهر تضمان الي الركعتين المؤكدتين

يقول النبي صلي الله عليه وسلم:
(من صلي أربع ركعات قبل الظهر وأربعا بعدها حرمه الله عز وجل علي النار)

**وأربع قبل العصر او ركعتان

يقول المصطفي صلي الله عليه وسلم:
(رحم الله امرأ صلي قبل العصر أربعا)
وروي سيدنا علي رضي الله عنه وارضاه ان النبي صلي الله عليه وسلم:
(كان يصلي قبل العصر ركعتين )

** وركعتان قبل المغرب:

قال صلي الله عليه وسلم :(صلوا قبل المغرب ركعتين )ثم قالL صلوا قبل المغرب ركعتين ) ثم قال في الثالثة (لمن شاء) خشية ان يتخذها الناس سنة

**وركعتان قبل العشاء

كنت ديما لما باروح اصلي العشاء في المسجد
الاقي اول ما الشيخ يخلص الاذان
الناس كلها تقوم تصلي ركعتين
وانا افضل قاعدة واقعد اقول لنفسي هو مش صلاة السنة للعشاء ركعتين بعدها
هما الناس دوول بيصلوا ايه؟
بس لما قرأت الكتاب عرفت
قال النبي صلي الله عليه وسلم :
( بين كل اذانين صلاة ،بين كل اذانين صلاة )ثم قال في الثالثة (لمن شاء)

يعني بين الاذان وبين اقامة الصلاة لو عايزين نصلي ركعتين
___________________________________-
انا اسفة لاني بقالي كتير اوي مش باكتب في المدونة
بس الحمدلله نويت اني هاكتب بوست كل جمعة باذن الله
ياريتكم تتابعوها بقي
ربنا ميحرمكوش من رغي ابدا يارب
قولووووووو امين
طبعا محدش نطق هههههههه
ماشي ماشي
كالعادة هاطلب منكم ماتحرمونيش من دعواتكم
ان ربنا يهديني ويرزقني الفردوس
احبكم في الله
لا اله الا الله سيدنا محمد رسول الله

R.N.F.

when you see my tear
please

donot care

donot fear

because it is just a drop

from my hope

R.N.F.

دموع العين جارية والقلب تحرقه في الاضلع النار

يارب يا عزيز يا مقتدر

يا من امهلتني رغم كل شيء....رغم ذنوبي....رغم اخطائي
احتاج اليك....يا سندي .... احتاج اليك يا حبيبي
لقد اذاني البشر وقد اذيت نفسي ولكني اعلم ان رحمتك وسعت كل شيء
لم اعد اريد من الدنيا سواك
لقد فقدت متعتي في تلك الدنيا
فلا اجد فيها الا التعب والحيرة وكثرة البكاء

لم اشعر بالسعادة الا وانا قريبة منك
لم احس بكياني الا وانا اشعر بك حولي في كل شيء

ولكني ضللت الطريق.....ضللته يا ربي.....يا خالقي
كم يقتلني الخجل ... خقلتني ورزقتني نعما كثيرة لا احصيها.....
ولكن انا.......... بشر يا خالقي....يا رحيمي
ااااااااااااااااااااااااااااااااااه يا ربي
ااااااااااااااااااااااااااااااااه من كل قلبي
اااااااااه علي كل لحظة عشتها ولم اذكرك
اااااااااااه علي كل لحظة استبدلت فيها الذي هو ادني بالذي هو خير

يا حبيبي يا الله ....اني باكية لانه ينطبق عليا قولك الكريم :
"اتستبدلون الذي هو ادني بالذي هو خير"

ولكني الان باسمة لانه ينطبق ايضا عليا قولك:

لو أن أولكم وآخركم وانسكم وجنكم قاموا في صعيد واحد فسألوني فأعطيت كل واحد مسألته ما نقص ذلك مما عندي الا كما ينقص المخيط اذا ادخل البحر،

اني الان اسألك مما عندك يا الله اسألك من فضلك العظيم
ان تسامحني وتهديني وتقبل توبتي
والله ياربي توبة نصوحة

وان تشفيني وتشفي كل مريض
يارب توفني مسلمة مؤمنة
يارب عاملني بما انت اهله ولا تعاملني بما انا اهله
يا حي يا قيوم برحمتك استغيث اصلح لي شأني كله ولا تكلني الي نفسي طرفة عين

يارب يارب..

لقد ضعفت ولا غيرك يقويني

لقد يئست ولم أفقد فيك يقيني

لقد ضللت ولا سواك هاديني

لقد غرقت وأنت فقط منجيني

يارب..

ارحمني في لحظة ضعفي

وابعد عني شياطيني ونفسي

واهدِ لي قلبي وعقلي واغفر لي خطيئتي ويأسي

يارب.

إلى من أشكو وأنت موجود

ولمن أبكي وبابك غير مردود

ومن أدعو وأنت فقط المعبود

ومن أرجو ورجائي فيك غير محدود

يارب

اجعل عفوك عني دائم

ورضاك علي قائم

واجعلني عن الذنوب نادم

ولباب توبتك قادم
_______________________________

وحياة اغلي حاجة عندكم في الدنيا
اللي بيحبني بجد واللي حاسس اني في يوم من الايام ربنا قدرني وكنت جنبه
يدعيلي من كل قلبه
يدعيلي ربنا يفرج كربي
يدعيلي اعدي الاذمة دي علي خير
يدعيلي ان ربنا يشفيني ويشفي كل مريض

والله محتاجة دعواتكم اوي

لو كنت في يوم زعلت حد ارجوكم تسامحوني
لو كنت في يوم بجهلي ظلمت حد والله العظيم مكنش قصدي

لو كان في يوم بايدي ارسم بسمة علي وجه حد منكم وماقدرتش
سامحوني
________________

واشهد ان لا اله الا الله وان سيدنا محمد عبده ورسوله
صلي الله عليه وسلم