حبيت!!!!!

لو قلت بحبك يبقي شوية عليك

اديك نور عنيا ومش كتير عليك

لاقيت معاك حياتي

يا اغلي من حياتي

معاك لاقيت الامان

مابقتش اخاف الزمان

كل ثانية ف عمري من غيرك بتمر عليا سنين

اد ايه انت واحشني وتعبت من الحنين

نفسي اعيش العمر جنبك

نفسي اشوف صورتي في عنيك

ياللي مفيش زي قلبك ... ولا حنية عنيك

حبك نساني اللي فات

والالم جوايا مات

نسيت حتي الذكريات

حلوة او مرة متلزمنيش

معاك بس ابتديت اعرف اعيش

حلو او مر كفاية اني جنبك هاعيش

حنية قلبك كفاية عليا

يا اغلي من نور عنيا

حلم حياتي هو ضحكة عنيك

والابتسامة ماتفارق شفتيك

ربي يقدرني .... اصونك ومن شر الناس احميك

وتكون الجنة بيتي وبيتك ... وأجمل اسرة اهديك

Iam back :)

السلام عليكم ورحمة الله وبركاته
مممممممممممممممممممممممممم
لاول مرة باكتب في المدونة ومش عارفة ابدا منين!!
يمكن من كتر فرحتي ... مش مستوعبة ؟؟؟

تخيلوا اني من كتر فرحتي .... حزنت ؟؟
يمكن لان خلاص حلمي كان بين ايديا

بس مامسكتهوش !!!
ده حسيت بيه لما بصيت في نصف الكوباية الفاضي
بس لما بصيت للنصف المليان لاقيت ان لسه معايا فرصة تانية
وفرصة قريبة جدا ومش لازم تضيع مني .... بأمر الله

كان بقالي كتير مش باكتب في المدونة

لاني فقدت الثقة في نفسي وفي الناس

وفي قدرتي علي الكتابة وفي كل حاجة
بس يمكن مكنتش باكتب مثلا

لاني مكنتش عايزة اي تـأريخ للفترة اللي فاتت من عمري

مش هارغي كتير عليها

لان هي خلاص عدت وخلصت .... الحمدلله
حاليا مفيش حاجة معينة في دماغي عشان اكتبها
بس ان شاء الله هيكون في بوستات جديدة
ادعولي بس ان ربنا يثبتني ويهديني للي فيه الخير

احبكم في الله
لا اله الا الله

سيدنا محمد رسول الله
______________________________

ملحوظة مهمة جدا جدا

الف الف الف مليون مبروك لكل صحابي اللي نجحوا

وخلصوا سنة 5 علي خير

كفارة يا رجاااااااااااااااااااااااااالة

وعقبال عندي بقي ياااااااااااارب

انا جييييييييييييييييييت نورت المدونة صح يا ولاد؟؟

السلااااااااااااااااااااااااااااااااام عليكم ورحمة الله وبركاته
وحشتوني وحشتوني وحشتوني
مدونتي وحشتني اوي
انا مقصرة جدا ف الكتابة فيها
مش عشان سنة 5 صعبة واخدة كل الوقت
عشان لما بتحس ان ف ضغوط عليك كتير من كل ناحية بتحس انك مش عارف تركز ف حاجة معينة
وانا مكنتش باحب اكتب ف المدونة الا وانا رايقة ومركزة
زي دلوقتي كده

ان شاء الله ارجعع واكتب زي الاول
كمان كنت محتاجة فترة ابعد عشان اقرا شوية واحسن اسلوبي شوية فالكتابة

انا المرادي مش هاطول عليكم ......... لان مافيش حاجة معينة ف دماغي اكتبها

بس بصراحة حصل موقف معايا كان هيطلع من نافوخي
وبجد مش متخيلة اننا وصلنا لكده

من فترة كده قررت اني اتخنقت مالمذاكرة واني لازم اتفسح
وقد كان وروحت انا وصحابي احدي المولات الكبيييييييييييييييييييرة ف القاهرة
الكلام ده كان يوم جمعة وكنا وصلنا المول بعد صلاة الجمعة
فقولنا قبل ما نلف فيه ..... ندور علي مكان نصلي فيه
بعد البحث لفترة لا تقل عن نص ساعة وصلنا لمكان المصلي
وطلع فييييييييييييييييييييييييييييييييين بقي؟
تخيلوا كدا
مكان المصلي ف الدور الارضي من المول في جراج العربيااااااااااااااااااااااات
مش جنب الجراج ......... لا لا لا .... ده جوا الجراج يعني لازم تعدي عالعربيات المركونة عشان توصل للمصلي

والاسوء بقي ان السلم اللي بينزلك علي المصلي محططوط عنده يافطة ومكتوب عليها جراج السيارات
ومكلفوش خاطرهم يكتبوا مصلي
اد ايه انا حزنت للموقف ده؟؟؟
احنا نستاهل كل اللي يرجالنا مادمنا مش بنغير علي دينا ومش بنقدسه
انا بجد مش عارفة فاضل ايه تاني ؟؟؟؟؟؟؟؟؟؟؟

لازم نغير من نفسنا الاول بدل ما نفرح ونهلل للي جاي من برا يغيرنا
!!!!!!!!!!!!!!!!!!!!!!!!!!!!!!!!!!!!!!!!!!
حسبي الله ونعم الوكييييييييييييييل

يلا اشوفكم علي خير
الي لقاء قريب باذن الله

احبكم ف الله

ملحوسة مهمة:
الوردة دي اهداء لكل صحابي اللي ديما بيشرفوني بارائهم
واللي زعلوا عشان بطلت اكتب
خلاص بقي المسامح كرييييييييييييييييم

بالله يقيني

كل عام وأنتِ أمي

سلام عليكم ورحمة الله وبركاته
ازيكم يا ولاد عاملين ايه؟
وحشتوا قلب رومي اوووووووووي
يارب تكونوا كلكم بخير وصحة وسعادة
وكل سنة وكل ام طيبة وبخير
انا بصراحة حاولت اكتب كلمات تعبر عن حبي لأمي
بس مالاقتش ولا كلمة ممكن توفيها حقها عليّ
بس لاقيت كلمات اغنية معبرة عن شيء من اللي جوايا .... الاغنية اسمها
Because You Loved Me
كل كلمة في الاغنية دي منطبقة علي أمي
تعبت عشاني كتير اوي ضحت بسعادتها كتير واختارت انها تسعدنا احنا
المرة اللي شوفت فيها دموعها كانت عشاني
وماشوفتش ضحكتها الا وهي فرحانة بيا وباخواتي
الله عليكي يا أمي .... لما بابص لحياتي بالاقي انك اجمل حاجة حصلت لي
حضني الدافي لما الدنيا غدرت بيا
دموعي اللي نزلت لما حسيت بظلم البشر
ضحكتي اللي بتداعب شفايفي لما انجح واحقق حلمي وحلمك
قلبي الكتكوت اللي لما بيخاف مالدنيا بيجري عليكي ويحتمي بيكي
اكتر حد حسيت معاه بالامان
اكتر حد حبني بجد وحبي مكلبش في قلبه هو انتي يا أمي
اللحظة اللي حسيت فيها بالوحدة كنت معايا وحواليا
تراقبيني من بعيد وتشوفي الدنيا بتعلمني بتبقي حنينة عليا من غير ما احس
وتسيبني اتعلم مين اثق فيه ومين ماثقش فيه
مش عارفة اقول ايه ؟؟؟؟
بس بيتهيألي الدموع اللي في عيوني دلوقتي تقولك اد ايه انتي عمري وحياتي وروحي اللي عايشة بيها
ربنا يخليكي ليا يا أمي

احم احم احم ..... امسك نفسي شوية بقي ونتكلم جدا
اصلي بصراحة لازم اغلس عليكم
هاكتب لكم قصة كانت اول مرة أقرأها في كتاب اسمه الحلال والحرام للشيخ المبجل محمد متولي الشعرواي رحمه الله وادخله فسيح جناته
المهم ندخل فالموضوع بقي يقول شيخنا الجليل :

روي عن رسول الله" صلي الله عليه وسلم" بشأن علقمة..... وكان شابا كثير الاجتهاد في طاعة الله في الصلاة والصوم والصدقة فمرض واشتد مرضه فأرسلت امرأته الي رسول الله "صلي الله عليه وسلم" :

(إن زوجي علقمة في النزع فأردت أن أعلمك يا رسول الله بحاله )



فأرسل النبي" صلي الله عليه وسلم" عمارا وصهيبا وبلالا وقال :

(امضوا إليه ولقنوه الشهادة فمضوا اليه ودخلوا عليه فوجدوه في النزع فجعلوا يلقنوه لا اله الا الله )...............
ولسانه لا ينطق بها

فارسلوا الي رسول الله" صلي الله عليه وسلم "يخبرونه ان لسانه لا ينطق بالشهادة

فقال النبي" صلي الله عليه وسلم" : ( هل من أبويه أحد حي؟)

قيل..... يا رسول الله أم كبيرة السن..... فأرسل اليها رسول الله" صلي الله عليه وسلم "

وقال لمن ارسله اليها : (قل لها إن قدرت علي المسير الي رسول الله صلي الله عليه وسلم والا فاقعدي في المنزل حتي ياتيك)

قال فجاء اليها رسول رسول الله فاخبرها بقوله" صلي الله عليه وسلم "

فقالت : (نفسي لنفسه فداء انا احق بإتيانه )

فتوكأت وقامت علي عصا وأتت رسول الله" صلي الله عليه وسلم" فسلمت فرد السلام عليها وقال لها :

(يا أم علقمة أصدقيني وإن كذبت جاء الوحي من الله تعالي كيف كان حال ولدك علقمة؟)

فقالت: ( كثير الصلاة كثير الصوم كثير الصدقة )

قال رسول الله" صلي الله عليه وسلم: ( فما حالك؟)

قالت: ( أنا عليه ساخطة )

قال: (ولم؟)

قالت: ( كان يؤثر علي زوجته ويعصيني)

فقال الرسول" صلي الله عليه وسلم": ( ان سخط أم علقمة حجب لسانه عن الشهادة)

ثم قال: ( يا بلال انطلق واجمع لي حطبا كثير)ا

قالت : (يا رسول الله وما تصنع؟ قال احرقه بالنار بين يديك )

قالت: ( ولدي لا يحتمل قلبي ان تحرقه النار بين يدي )

قال: ( يا أم علقمة عذاب الله اشد وابقي فإن سرك ان يغفر الله له فارضي عنه فوالذي نفسي بيده لا ينتفع بصلاته ولا بصيامه ولا بصدقته مادمت عليه ساخطة )

فقالت: ( يا رسول الله أن اشهد الله تعالي وملائكته ومن حضرني من المسلمين اني قد رضيت عن ولدي علقمة )

فقال رسول الله" صلي الله عليه وسلم ": (انطلق يا بلال إليه وانظر هل يستطيع ان يقول لا اله الا الله ؟؟....فلعل أم علقمة تكلمت بما ليس في قلبها حياء مني )

فانطلق فسمع علقمة في الدار يقول لا اله الا الله



ومات علقمة من يومه فحضره رسول الله" صلي الله عليه وسلم" فأمر بغسله وكفنه ثم صلي عليه وحضر دفنه ثم قام علي قبره وقال :

(يا معشر المهاجرين والانصار من فضل زوجته علي أمه ...
فعليه لعنة الله والملائكة والناس اجمعين
لا يقبل الله منه صرفا ولا عدلا الا ان يتوب الي الله عز وجل
ويحسن إليها ويطلب رضاها فرضي الله في رضاها وسخط الله في سخطها )
اللهم ارزقنا الشهادة عند الموت يا ارحم الراحمين
___________________________________

Because You Loved Me


For all those times you stood by me
For all the truth that you made me see
For all the joy you brought to my life
For all the wrong that you made right
For every dream you made come true
For all the love I found in you
I'll be forever thankful baby
You're the one who held me up
Never let me fall
You're the one who saw me through through it all


You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me


You gave me wings and made me fly
You touched my hand I could touch the sky
I lost my faith, you gave it back to me
You said no star was out of reach
You stood by me and I stood tall
I had your love I had it all
I'm grateful for each day you gave me
Maybe I don't know that much
But I know this much is true
I was blessed because I was loved by you


You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me


You were always there for me
The tender wind that carried me
A light in the dark shining your love into my life
You've been my inspiration
Through the lies you were the truth
My world is a better place because of you


You were my strength when I was weak
You were my voice when I couldn't speak
You were my eyes when I couldn't see
You saw the best there was in me
Lifted me up when I couldn't reach
You gave me faith 'coz you believed
I'm everything I am
Because you loved me


I'm everything I am
Because you loved me

رجعت لي حريتي

قررت اسيب القفص واطير

مش هاعيش تاني اسير

يعني هيحصل ايه؟هخاف من ايه؟

لو جناحي خذلني ووقعت يكفيني اني حاولت

مش كل قلب مكسور لازم يعيش وجناحه مكسور

......................................................................

اخيرا .... طاوعتني ؟؟؟

اخيرا طاوعتني؟؟؟؟

هتكتب كلمة نهاية؟؟؟؟

اكيد بتسهيني ....
عشان ترجع تاني تنسيني .... طعم العذاب والجراح
وللنار تاني توديني

ياما صبرت كتير....
وانت تقولي انسي يا ام قلب كبير .....
هتنسي والجرح مش هيسيب تأثير

وانا اطاوعك وانسي ....
والضحكة في بحر عيوني ترسي

وترجعلي بسمتي تاني ....
. ويضحك ليا زماني .....
واقووووول خلاص دي اخر احزاني ....
اخيرا هتتحقق احلامي

وفي عز ضحتكي ....
تتسرق مني فرحتي ....

ومن اعز الحبايب ننجرح
وبسكينة قاسية نندبح

نفسي اعرف كان ذنبي ايه ؟؟؟؟
دي تكون نهاية الاخلاص ليه ؟؟؟؟؟؟؟؟؟؟؟؟

واجي علي نفسي وانسي .......
وعليها كمان ممكن اقسي
ومن تاني ارجع اعيش ....

بسمتي علي شفايفي ....
وقلبي حزين مكسور ....
وباقول اهي فترة والايام بتدور

وبعد ما اتعودت علي وحدتي ..... والنار جوايا بدأت تنطفي ......

جاي تفكرني باللي كان ؟؟؟؟؟...................... وانك عرفت معايا طعم الامان

كنت فين لما ضاع مني اماني ...؟؟؟؟ كنت فين لما تاهت مني احلامي ؟؟؟؟؟؟؟؟؟؟

لا يا قلمي كفاية خلاص ....................... عايزاك بقي تنسي كلمة اخلاص

الاخلاص مع قلب ميعرفش الاخلاص ...........مايبقاش اخلاص

يبقي وجع وعذاب وخلاص

قولي انك طاوعتني ؟؟؟؟؟.............

قولي انك ندمان ............
عشان وهمتني بالامان .....
تجاه انسان غدر وخان ...... وعذبتني


انا اهو باقولهالك ................. رضيت او مارضتش باكررها لك
انا استغنيت عنك يا قلمي ...... ولو حكمت كمان هكتبها بدمي

دي خلاص النهاية لكل شيء كان جوايا

ملاك بريء

نظرت إليها .....

اسرتني عيناها .....

تركت لعقلي العنان كي يغرق في بحورهما

تَري؟ ما تلك الملامح الملائكية؟

وما تلك النظرة اللي اراها في عينيها؟؟

فقد احسست بدفء وامان لم اشعر بهما قط في حياتي

رغم انها لم تكن علي درجة عالية من الجمال

ولكن وجهها يحمل من البراءة والطفولة ما جعل قلبي يرقص فرحا

سعيدا ... بوجود ذلك الوجه المضيء بيننا في زمن لا يعرف أناسه سوي القسوة

سرحت كثيرا وكثيرا .... ارتميت في حضن عيناها كي استزيد بمعاني الحب والوفاء

التي افقتدها في اقرب الناس الي قلبي

وفجأة ...............

لمحت في عيناها نظرة .... استوقفتني لا ... بل آلمتني

نظرة حزن عميق ....

حزن يأبي قلبها ان يظهره علي وجهها المشرق

كيف يعرف الحزن قلب تلك الفتاة؟؟؟

كيف يعرف الحزن طريقه الي هذا الوجه البريء ؟؟

ولكنها رأتني انظر اليها ....

فاخذت بعيناها عني وهي تحاول ان تستعيد ابتسامتها

التي تنشرها بحب ودفء بين كل الناس المحطيطين بنا

ولكني لم استطع ان أدير وجهي عنها..... كاد الفضول يقتلني

في عيني أسئلة كثيرة

اردت ان أعرف اجابتها

هل اذهب واحدثها ؟؟

أم ابقي في مكاني مراقبة لها من بعيد

اكتفيت بالنظر اليها ....

بذكائها الذي رأيته في عيناها احست بما يدور بداخلي

وكأنها تعلم انني اريد ان اعرف عنها الكثير

نظرت لي نظرة....ابدا لن انساها

نظرة لا استطيع ان اصفها

قلمي يعجز عن وصف ما احسست به

كأنها تقول لي لا تحزني من اجلي أنا اعرف كيف اتغلب علي احزاني

واسعد كل من حولي

ونظرت حولنا فوجدت طفلين ...

فاذا بها تخرج قطعتين من الحلوة من حقيبتها

وتعطي كل منهما واحدة وتقبلهما قبلة حب ورضا

ثم نظرت اليّ والقت لي ابتسامة

ورحلت من أمام عيني

لم يعود عقلي من شروده

وظللت افكر

كيف استعادت ابتسامتها؟؟

هل كانت ابتسامة الطفلين هي الدواء ؟؟؟

ما هذا الرضا ؟؟؟

وما ذلك القلب الحنون الذي يقوي بقوة وبسعادة من حوله؟

هل سأراها ثانية ؟؟؟؟

هل سيسعد قلبي ثانية برؤية ذلك الملاك؟؟

واذا لن اراها ثانية.... ما فعلته ظل في قلبي

وعلمتني الكثير في دقائق .... ابدا لن انساها

______________________________

لماذا نسير وسط الناس ونظرة الحزن في عيوننا؟؟

ألسنا في قوة تلك الفتاة ؟؟؟

ما ذنب من حولنا في رؤية الحزن علي الوجوه

كل منّا لديه ما يدمي قلبه

ولكن .........................................

لا يجب ان نحرم من حولنا نظرة امل

ينتظرها

ابدا لن انساكِ

يا صاحبة اطهر واجمل قلب